Më 31 Maj 2024 Mbrëmja Gala e Albanian ICT Awards ndan çmimet e mëdha të teknologjisë për vitin e 12-të me radhë

Në gjurmët e novatorëve Shqiptarë, evenimenti më i madh mbarëkombëtar o teknologjisë dhe inovacionit Albanian ICT Awards, mbyll edicionin e i tij të 12-të më 31 Maj 2024 në Mbrëmjen Gala e cila do të dëshmojë shpalljen e fituesve në gjashtë kategoritë e kësaj gare por jo vetëm.

Një ngjarje e madhe e ndarjes së çmimeve më prestigjioze të teknologjisë në mbarë hapësirën shqipfolëse, nga Shqipëria në Kosovë, Maqedoninë e Veriut, Malin e Zi e Diasporë, Mbrëmja Gala e cila organizohet pranë Hotel Plaza në Tiranë sjell pranë komunitetit të gjallë dhe guximtarë, të ftuar ekskluzivë nga vendi dhe rajoni, engjëj biznesi, donatorë dhe sipërmarrës së spikatur.

Kësaj ngjarje do ti bashkohen personalitete nga pushteti qendror dhe vendor, trupa diplomatike, bota akademike, e biznesit, medias dhe mbarë komunitetit të teknologjisë në Shqipëri, Kosovë dhe Maqedoninë e Veriut.

19 kandidatë do të garojnë për një prej 6 çmimeve të mëdha të edicionit të 12-të të ICT Awards ICT Innovacioni i Vitit, ICT Startupi i Vitit, ICT Diploma e Vitit, ICT Ylli në Ngritje deri në 16 vjeç, ICT Ylli në Ngritje 16-21 vjeç, Cyber Security, ndërsa kësaj mbrëmje nuk i kanë munguar as surprizat ndër vite.

Albanian ICT Awards ju fton të bëheni pjesë e kësaj ngjarjeje unike duke blerë një biletë pjesëmarrjeje në Eventbrite ose në aplikacionin Pago, të cilin e përfitoni me 20 përqind zbritje, dhe të bëheni njëkohësisht kontribuues indirekt i eventit më të madh shqiptar të inovacionit. Të ardhurat e mbledhura nga kjo fushatë do të konvertohen në çmime për finalistët në secilën prej kategorive të garës.

Agjenda 31 Maj 2024 Ora 18:00:

• 18:00 – 18:30 Regjistrimi
• 18:00 – 18:50 Hosting & Networking
• 19:00 – 19:20 Hapja zyrtare e Mbrëmjes Gala
• 19:30 – 22:00 Programi & Darka
• 22:10 Mbyllja

Dy lloje biletash do të jenë në dispozicion, Pjesëmarrës – e cila shkon për individët të cilët dëshirojnë të bëhen pjesë e eventit për rrjetëzim dhe motivim – dhe Përkrahës – grupe biznesi të cilët duan të kenë prezencën e tyre në Mbrëmjen Gala.

Themeluar plot 12 vite më parë, kjo garë organizohet nga nga shtëpia botuese ICTSmedia dhe Shoqata Mbarëkombëtare Teknologjisë ALBICT dhe gëzon partneritetin e rëndësishëm të Bankës Europiane për Rindërtim dhe Zhvillim nëpërmjet Programit Star Venture financuar nga EU Enterprise Development & Innovation Facility (EDIF) dhe Luksemburgu, EU for Innovation dhe UNICEF. Albanian ICT Awards sot në sytë e një ekosistemi konsiderohet një barometër i vërtetë potencialit inovativ dhe krijues të të rinjve, studentëve, novatorëve, sipërmarrësve, profesionistëve, bizneseve në mbarë hapësirën shqipfolëse.

Edicioni i 12-të hapi dyert të Enjten e datës 29 Shkurt 2024 në mesin e mbi 100 të ftuarve dhe pjesëmarrësve nga bota akademike, biznesit, administratës publike, sipërmarrjes, inovacionit dhe komunitetit të teknologjisë. U mirëpriten aplikime në 7 kategori të ndryshme deri më 31 Mars 2024 si dhe u mbajtën mëse 25 sesione informimi pranë shkollave, universitete, qendrave dhe hapësirave të inovacionit nga Tirana në Prishtinë, Shkup, Tetovë, Gjilan, Ferizaj, Vushtrri, Preshevë dhe Bujanoc.

Deri në mbyllje të aplikimeve mbërritën 108 projekte nga 130 kandidatë të ndryshëm të cilët demonstruan përballë jurisë së Albanian ICT Awards në Prishtinë dhe Tiranë më 26 dhe 27 Prill 2024 respektivisht.

Sponsorë dhe partnerë

Edicioni i 12-të i Albanian ICT Awards vjen me mbështetjen e çmuar të sponsorëve Diamond Raiffeisen Bank, Banka Europiane për Rindërtim dhe Zhvillim nëpërmjet Programit Star Venture financuar nga EU Enterprise Development Innovation Facility (EDIF) dhe Luksemburgu, EU for Innovation, Albvision dhe UNICEF; të sponsorëve Platinium Dev.al, Albsoft Engineering; të sponsorëve Gold Soft&Solution, Baboon, Facilization, Digit Sapiens, TBU, Unioni i Bashkive Shqiptare në Rajon; dhe të sponsorëve Silver EasyPay, 3i Solutions, Armundia Factory, AUK, SEEUTechPark, Holberton School.

Kjo ngjarje gëzon mbështetjen mediatike të Euronews, News24, Shqip.com, PCWorld.al, CIO.al