Në përgjigjet që jepni në fushat mëposhtë duhet të jeni sa më të qartë dhe specifikë. Përpiquni të vendosni detaje të mjaftueshme në mënyrë që informacioni të jetë më i kompletuar. Duhet të jeni specifikë për ndikimin dhe përfitimet që projekti juaj bart në vetvete, dhe të ekspozoni rezultatet dhe indikatorët e matshëm ku është e mundur.

Deklaratë mbi vërtetësinë/shpërndarjen e informacionit

Në rastin e dërgimit të aplikimit, ju pranoni dhe pajtoheni se keni rënë dakort me rregullat e mëposhtme:

Unë, me dërgimin e këtij formulari, pranoj dhe deklaroj se informacioni i dhënë është i vërtetë dhe i plotë, në bazë të dijenive dhe besimit tim më të mirë. Autorizoj shpërndarjen dhe përdorimin e të gjitha materialeve të siguruara nga unë ose persona të tjerë të organizatës të kontaktuar për vlerësim nga juria e Albanian ICT Awards.

Unë e kuptoj se informacioni i dhënë në këtë aplikim ose në vazhdimësi i mbledhur gjatë proçesit të vleresimit, mund të përdoret në artikuj, online ose të ndonjë formë tjetër publiciteti në lidhje me ngjarjen e Albanian ICT Awards.

Unë, autorizoj gjithashtu dhënien dhe përdorimin e emrit tim, emrit të kompanisë sime dhe të tjera të ngjashme, duke përfshirë por jo duke u kufizuar ndonjë fotografi, regjistrime të zërit tim ose imazhe që mund të merren nga unë për ndonjë ose të gjitha publikimet e Albanian ICT Awards dhe/apo organizatorit të kësaj ngjarje, qoftë për online, të shtypura apo audio-vizuele si dhe publikime të tjera në lidhje me Albanian ICT Awards. Unë jam dakort që asnjë kompensim nuk mund të kërkohet nga unë apo kompania për këto përdorime.

Unë jam dakort që një nga përfaqsuesit e këtij aplikimi do të jetë i pranishëm për të pranuar çmimin në Mbrëmjen Gala të organizuar për Albanian ICT Awards dhe të intervistohet për publikun.