Kur kanë ngelur vetëm tre ditë nga mbyllja e aplikimeve të edicionit të 11-të të Albanian ICT Awards, stafi i garës mbarë kombëtare vijon takimet informuese pranë universiteteve dhe qendrave të inovacionit në Shqipëri, Kosovë, Maqedoni dhe më gjerë.
Në javën e fundit të aplikimeve, kjo garë e teknologjisë, inovacionit, sipërmarrjes. Ditën e Marte përfaqësuesit e garës u pritën nga stafi akademik i Kolegjit Universitar Universum ku prezantuan studentët me kriteret e aplikimit.
Të njëjtën ditë në Shkollën Digjitale në qytetin e Prizrenit, Albanian ICT Awards u njoh me adoleshentët e talentuar dhe yjet në ngritje të cilët prezantuan projektet e tyre.
Takimet në kuadër të turit të takimeve informative të Albanian ICT Awards vijoi ditën Enjte në Universitetin “Ukshin Hoti” të qytetit të Prizrenit me studentët e shkencave kompjuterike, profesorët dhe akademikët.
Studentët dhe stafi akademik i këtij fakulteti demonstruan projektet e tyre inovative në fushën e energjetikës dhe publikime shkencore me impakt ndërkombëtar.
Vizita të tilla i japin zhvillimit dhe arritjeve në fushën e teknologjisë në trevat mbarëkombëtare një perspektivë dhe dimension tjetër.
Takimet e edicionit të 11-të do të vijojnë deri në mbyllje të aplikimeve më 30 Prill 2023. Ky edicion mirëpret aplikime vetëm online në 6 kategori: ICT Inovacioni i Vitit, ICT Startupi i Vitit, ICT Diploma e Vitit, ICT Ylli në Ngritje deri në 16-vjeç, ICT Ylli në Ngritje 16-21 vjeç dhe Cyber Security Awards.
Kjo garë organizohet nga nga ICTSmedia dhe Shoqata ALBICT, dhe prej 10 vitesh ka mbajtur mbi 300 evenimente me 2500 garues dhe 200 finalistë.
Edicioni i 11-të i Albanian ICT Awards nisi turin e takimeve gjatë muajit Mars ndërsa janë zhvilluar mbi 15 takime informative të cilat vijojnë edhe në javën e fundit deri në mbyllje të aplikimeve.
Më 26 Maj 2023 do të bëhet shpallja e fituesve të Albanian ICT Awards në Mbrëmjen Gala.