Origjinaliteti duhet të jetë kriteri më i rëndësishëm për një aplikant.

Vërtetësia e të dhënave është kriter i rëndësishëm dhe në përgjegjësi të plotë të aplikantëve.

Në rast se do të identifikohen dhe provohen pavërtetësi nga të dhënat e deklaruara gjatë aplikimit, atëherë aplikuesi/sja do të përjashtohet nga fazat e mëtejme të vlerësimit.

Nëse kërkohet, ICTS Media/ICT Awards mban të drejtën e verifikimit të aplikacioneve dhe materialeve të dorëzuara bashkë me aplikimet.

Vlerësimi maksimal që mund të marrë një aplikant është totali prej 100 pikësh.

Kriteret e vlerësimit / Formula e mbledhjes së pikëve.

Formula e mëposhtme aplikohet për këto çmime/nominime:

1) ICT Innovation Of The Year (TIK inovacioni i vitit),

2) ICT Mobility Of The Year (TIK mobiliteti i vitit),

3) ICT Rising Star Of The Year (TIK ylli i vitit në ngritje)

ICT Academic Of The Year (TIK akademiku i vitit)

Akademiku i vitit mund të propozohet, por edhe në bazë të propozimeve të sjellura nga stafi organizativ i Albanian ICT Awards, bazuar në konsultimet e gjëra dhe gjithëpërfshirëse, juria do të shqyrtojë dhe vlerësojë propozimet për t’i votuar për njërin nga emrat e propozuar për çmimin TIK akademiku i vitit.

ICT Diploma Thesis Of The Year (TIK tema e diplomës së vitit)

ICT Woman Innovator of the Year (TIKFemra Inovatore e vitit)

Kjo kategori do të vlerësojë të gjitha femrat shqiptare, për merita, arritje individuale, apo që kanë përfaqësuar grupe pune dhe kanë dhënë kontribut të prekshëm dhe të pranueshëm nga opinioni i gjerë. Ky çmim ka për ambicie kryesore të rrisë sa më shumë numrin e femrave të kualifikuara në hapësirën digjitale në Shqipëri dhe të ndihmojë në mbylljen e hendekut gjinor të deritanishëm.

ICT Public Service of the Year (TIK Shërbimi Publik më i mirë i vitit)
Kjo kategori vlereson praktikat me te mira dhe Inovacionet në qeverisjen dhe administrimet e institucioneve Publike. Ky është njohja më prestigjioze kombetare e ekselencës në shërbimin publik. Qëllimi i këtij çmimi është që të identifikojë projektet e realizuara në lidhje me praktikat e reja per zgjidhjen e nje problemi te caktuar duke e kthyer ne risi; Përveç informimit publik që ka për qëllim kjo kategori lidhur me rëndësinë e inovacionit në fjalë, një rëndësi të veçantë zë edhe mirënjohja që do tu jepet inovatorëve të administratës publike si shenjë falenderimi dhe motivimi të mëtejshëm.

Elementet e mëposhtme do të ndihmojnë në vlerësimin e produktit/zgjidhjes së nominuar:

–          Funksionimi i mirë i produktit

–          Vlerësimi i mënyrës se si është menduar trajtimi i gabimeve që mund të ndodhin gjatë ekzekutimit/zbatimit të produktit/shërbimit

–          Vlerësimi i ndërfaqes së përdoruesit

• Lehtësia/thjeshtësia në të kuptuar dhe në të përdorur
• Uniformiteti/konsistenca
• Hierarkia vizuele e elementeve
• Lexueshmëria e elementeve (lloji dhe madhësia e shkrimit, ngjyrat)
• Cilësia e grafikës dhe faktori i eksperiencës së përdoruesit (UX)

–          Vlefshmëria dhe prakticiteti i manualit të përdorimit

–          Vlerësimi i mënyrës se si është menduar mbështetja (suporti) ndaj përdoruesit

–          Mundësia dhe fleksibiliteti i aktualizimit të versioneve dhe funksioneve ndërlidhëse me aplikacione të palëve të treta.

Elementet e mëposhtme do të ndihmojnë në vlerësimin e produktit (harduer)

–          Funksionimi i shpejtë, i mirë, korrekt dhe konkret i produktit

–          Përbërja, instlaimi dhe konfigurimi i elementeve elektronike, inxhinierike dhe konsumi i energjisë, ndërlidhja me pajisje eventuale të kompjuterit (PC, Tablet, Smartphone etj.)

–          Vlefshmëria dhe prakticiteti i manualit të përdoruesit

–          Vlerësimi i mënyrës se si është menduar mbështetja (suporti) ndaj përdoruesit

Elemente e mëposhtme do të ndihmojnë në vlerësimin e temave të diplomës apo publikimeve të ndryshme:

–          Vlerësimi në bazë të tematikës së përzgjedhur dhe impakti konkret në fushën e ICT.